Müasir dövrdə orta məktəbdə riyaziyyat fənnini tədris edən müəllimlər qarşısında böyük tələblər qoyulur.Bu tələblərdən başlıcası öyrənilən bilik və bacarıqları şagirdlərin şüurlu surətdə mənimsəmələrinə nail olmaqdır.Orta məktəb riyaziyyat kursunda öyrənilən və ali məktəblərə qəbul imtahanları zamanı geniş yer verilən bölmələrdən biri də Üstlü və loqarifmiktənliklərdir.Bu bölməni daha yaxşı mənimsətmək üçün orta məktəb kursunda verilən materialla kifayətlənmək olmaz.Təcrübə göstərir ki, şagirdlər Üstlü və loqarifmik tənliklərin bəzi növlərini həll etməkdə və yaxud alınmış kökləri araşdırmaqda çətinlik çəkirlər.Bu isə şagirdlərin lazımi nəzəri materialı yaxşı bilməmələrindən və tənliklərə tətbiq edərkən səhvə yol vermələrindən irəli gəlir.Bunları nəzərə alaraq, bu məqaləmizdə müxtəlif növ üstlü və loqarifmik tənliklərin həll üsullarını və onlara aid nümunələri verəcəyik.