"İqtisadiyyatın hüquqi tənzimlənməsi" ixtisası üzrə təhsil alan bakalavrlar üçün dərs vəsaiti. Dərs vəsaitində "İnvestisiya fəaliyyətinin hüquqi tənzimlənməsi" kursu çərçivəsində tədrisi nəzərdə tutulan mövzuların bir qismi, o cümlədən investisiyanın sosial-iqtisadi məzmunu, investisiya fəaliyyətinin həyata keçirilməsini şərtləndirən amillər, investisiyanın texnoloji və sahələrarası strukturu, investisiya iqlimi və onun əsas elementləri, investisiya fəaliyyətinin reallaşdırılmasında ixtisaslaşmış qrumlar, investisiya fondları, investisiya qoyuluşlarının reallaşdırılmasının normativ-hüquqi təminatı, investorların hüquqlarının və qanuni mənafelərinin qorunmasının hüquqi təsbiti, investisiya fəaliyyətinin tənzimlənməsi vasitələrinin hüquqi əsasları, xarici investisiya fəaliyyətinin hüquqi rejimi, sərbəst iqtisadi zonalarda xarici investisiyaların hüquqi statusu və s. bu kimi məsələlər əks etdirilmişdir.

Dərs vəsaitindən iqtisad yönümlü tədris mərkəzlərində təhsil alan bakalavrlar, magistrantlar, aspirantlar, habelə müəllimlər və investisiya qoyuluşlarının hüquqi tənzimlənməsi ilə maraqlanan digər şəxslər də istifadə edə bilərlər.