07.11.2024 10:57

Qərbi Kaspi Universiteti ilə Almaniyanın Schmalkalden Tətbiqi Elmlər Universiteti arasında əməkdaşlıq çərçivəsində, DAAD mübadilə proqramı üzrə 4-9 noyabr tarixləri arasında Qərbi Kaspi Universitetində ”Xəzər Akademik Ekspedisiyası - Azərbaycanın zəngin təhsil və sənaye tarixini və onun regionun keçmiş və gələcək inkişafındakı rolunu araşdırmaq” proqramı həyata keçirilir.Artıq dərslərə başlayan Schmalkalden Tətbiqi Elmlər Universitetinin tələbələri universitetimizin professor və müəllim heyətinin rəhbərliyi ilə Azərbaycan dili, tarixi, mədəniyyəti və ədəbiyyatı ilə tanış olurlar. Dərslərdən əlavə, tələbələr müxtəlif mövzulu dərnəklərdə iştirak edir, paytaxtımızın görməli yerlərini və muzeylərini ziyarət edirlər.