04.11.2024 09:26

Bu gün Dövlət İmtahan Mərkəzi (DİM) aqrar sığorta fəaliyyəti üzrə müstəqil ekspert sertifikatı almaq istəyən, Aqrar Sığorta Fondunun keçirdiyi təlimləri müvəffəqiyyətlə başa vurmuş namizədlər üçün test imtahanı keçirəcək.Mərkəzdən TƏHSİL.BİZ -ə bildirilib ki, imtahan DİM-in elektron imtahanlar korpusunda (Ünvan: Bakı şəhəri, Binəqədi rayonu, S.S.Axundov küç., 50) təşkil ediləcək.İmtahan vermək üçün 34 nəfər qeydiyyatdan keçib.İmtahan saat 11:00-da başlanacaq. Saat 10:45-dən sonra gələnlər imtahana buraxılmayacaqlar.Namizəd imtahana gələrkən buraxılış vərəqəsini və şəxsiyyət vəsiqəsinin əslini mütləq təqdim etməlidir. Göstərilən sənədlərdən biri olmadıqda və ya onlar arasında uyğunsuzluq olduqda namizəd imtahana buraxılmayacaq.İmtahanda iştirak ödənişlidir. Qeydiyyatdan keçmiş, lakin imtahana gəlməyən namizədin ödədiyi məbləğ geri qaytarılmır.İmtahan Aqrar Sığorta Fondu tərəfindən təşkil olunmuş təlim proqramına dair açıq və qapalı tipli test tapşırıqlarını əhatə edir. Toplanılması mümkün olan ümumi (maksimal) bal 60-dır. Namizəd 36 və daha yüksək bal topladığı halda imtahandan müvəffəqiyyətlə keçmiş hesab edilir və ona aqrar sığorta fəaliyyəti üzrə müstəqil ekspert sertifikatının müvafiq növü verilir.