Sənan Ağazadə Nizami oğlu,1 may 2000-ci ildə Lənkəran Şəhəri Göyşaban kəndində anadan olmuşdur. 2006-cı ildə M.F Səhban adına Göyşaban kənd məktəbinin 1-ci sinifinə gedib, 2017-ci ildə S.Kazımbəyov adına Lənkəran şəhər 6-nömrəli məktəbi bitirmişdir. 22.07.2019-cu ildə Hərbi xidmət çağırışına gedərək 1 il 3 ay əsgərlik edib müharibə zamanı Füzuli döyüşlərində 14.10.2020- ci ildə qəhrəmancasına döyüşərək Şəhid olmuşdur. Şəhidimiz minatan batareyanın tuşlayıcısı olmuş düşmənin bir neçə hərbi texnikasını və 35 əsgərini məhv edib. Sənan Ağazadə ölümündən sonra Azərbaycan Prezidentinin sərəncamları ilə "Vətən uğrunda", "İgidliyə görə" və "Füzulinin azad olunmasına görə" medalları ilə təltif edilib.