Texnika elmləri doktoru, professor Vaqif Qasımovun “İnformasiya axtarışı üsulları və sistemləri” dərsliyi internetdə informasiya axtarışı üsulları, vasitələri və sistemlərinin öyrənilməsinə həsr edilmişdir. Dərslikdə informasiya ilə bağlı əsas anlayışlar, informasiya tələbatı, onun formalaşması mərhələləri və öyrənilməsi üsulları, eləcə də internetin informasiya ehtiyatları və xidmətləri barədə geniş məlumat verilmişdir. Dərsliyə informasiya axtarışının dəqiqlik, dolğunluq, relevantlıq kimi əsas meyarları, modelləri, axtarışın effektivliyinin yüksəldilməsi üsulları, eləcə də internetin məşhur informasiya-axtarış sistemləri ilə bağlı mövzular daxil edilmişdir. Dərslik Milli Təhlükəsizlik Nazirliyinin Heydər Əliyev adına Akademiyasında tədrisdə istifadə üçün nəzərdə tutulmuşdur. Dərslikdən respublikanın digər ali təhsil müəssisələrinin tələbə və müəllimləri, eləcə də bu sahədə çalışan elmi işçilər və mütəxəssislər də istifadə edə bilərlər