Oxu bacarığı insanın idrak fəaliyyətinin inkişaf səviyyəsinin göstəricilərindəndir . Məhz oxu vasitəsilə insan həyatı dərk edir. Ana dili fənn kurikulumunda I sinifdə oxu ilə bağlı “2.2.5. Kiçikhəcmli mətnləri müəyyən olunmuş tələblərə uyğun sürətli, düzgün, şüurlu, ifadəli  oxuyur.”  məzmun standartının ibtidai təhsil mərhələsinin bütün siniflərində verilməsi də məhz bu vəzifənin reallaşdırılması ilə bağlıdır.  Məzmun standartları məlum olduğu kimi, bilik və fəaliyyətdən ibarətdir. İlk baxışda sadə görünən bu standartda bir neçə fəaliyyət dayanır. Məzmun standartlarını reallaşdırarkən onu təlim məqsədinə çevirməzdən əvvəl həmin standartdakı fikrin mahiyyətini anlamaq lazımdır.